Cindy Sanyu amponda Miss Uganda live

 

Msanii wa muziki kutoka nchini Uganda, Cindy Sanyu ameibua mjadala mzito mtandaoni baada ya kufunguka wazi kuwa mrembo anayeshikilia taji la miss Uganda kwa sasa, Leah Kalanguka ana muonekano mbaya, na kukazia kuwa huo ndio ukweli ulio dhahiri.

 

 Miss Uganda 2014 Leah Kalanguka

Kufuatia maoni haya, msanii huyu ameweza kuzikamata hisia za mashabiki wengi, huku wengine wakionekana kumpinga na kumrushia madongo ya yeye binafsi kutokuwa na uzuri wowote, na vilevile kuwa na rekodi chafu ya kimaadili wakikumbushia kitendo cha kuvuja kwa picha zake za utupu mitandaoni.
Mpaka sasa Miss Uganda mwenyewe, Leah hajasema chochote kuhusiana na hili ambapo amekuwa akikumbana na madongo kutoka kwa watu mbalimbali ambao kwa upande wao wanaona kuwa kwa muonekano wake hakustahili kabisa kulivaa taji la Miss Uganda.