October 19, 2017

Mbunge wa Kigoma Mjini na Kiongozi wa Chama – ACT Wazalendo , Zitto Kabwe amesema kuwa amefarijika sana kusikia sauti ya Mbunge wa Singida Mashariki, Tundu Lissu akiwa hospitali Nairobi baada ya sauti yake kusikika jana.

Zitto ametumia ukurasa wake wa Facebook kuyasema hayo huku akisema sauti ya Mbunge huyo imeboreka na kurudi sauti yake ile ile aliyokuwa nayo kabla.
Komredi Tundu A M Lissu,
Hospitali ya Nairobi,
Nairobi
Kenya
Jana nimefarijika kukusikia tena sauti yako tangu nikusikie nilipokuja kukusabahi hospitalini. Sauti yako sasa imeboreka na kurudi sauti ile ile uliyokuwa nayo kabla hujashambuliwa kwa risasi nyumbani kwako Dodoma. Watanzania wamefarijika sana kuwa bado uko hai na utaweza kuungana nasi tena kuendeleza mapambano ya kujenga Demkrasia yetu.
Siku ile nimekuja kukusabahi uliniuliza nini kinaendelea nyumbani. Nilikwambia tu Watanzania wanakuombea. Ukanitazama kwa lile jicho lako la kiMarx, ukacheka na kusema “Taifa la Waomba Mungu”.Tukacheka. Ni kweli Watanzania wamekuombea sana, na ni jambo la kushukuru kuwa Mola amewasikiliza maombi yao.
Hata hivyo, kuna mengi yanaendelea nchini kwetu. Uchumi wa Taifa sasa umeshuka mno kiwango cha kutilia shaka hata takwimu rasmi za Serikali, Wakulima wana vilio nchi nzima, si mbaazi, si korosho wala tumbaku, kote hali si nzuri, Wafugaji nao wana hali mbaya, mifugo yao ikitaifishwa na kunadiwa kwa bei ya kutupa, huku wafanya biashara wakisaga meno na kufunga biashara zao.
Yote hayo yakoendelea, CCM inafanya juhudi kubwa kuhamisha mjadala kuhusu waliokushambulia kwa kununua madiwani na wanachama wa vyama vya upinzani kila siku, wakiubana zaidi Uhuru wa habari, na wakiuzima uhuru wa vyama vya siasa, hawataki kabisa mawazo mbadala ya kututoa katika hali tuliyonayo. Utakaporudi naamini utakuta mengine mengi mapya.
Ninafuraha kuwa unaendelea vizuri sana tofauti na nilipokuja kukuona. Tutazidi kumwomba Mola afya yako iimarike zaidi. Tuna kazi kubwa sana mbele ya safari, na kwa hakika ni lazima tuifanye kwani tusipoifanya Nchi yetu itaanguka Kiuchumi na Kidemokrasia, na watu wetu kuendelea kuwa masikini zaidi kuliko ilivyo sasa.
Ilikuwa ni lengo la waliokushambulia kutunyamazisha. Tumewaambia kuwa hatutanyamaza kamwe. Kama ulivyoniambia ukiwa kitandani kuwa “tumeshashinda. Tutashinda”. Hakika ushindi ni dhahiri na ndio maana wanatapatapa kuzuia Uhuru wa mawazo na fikra.
Ndugu yangu, nisikuchoshe na barua ndefu kwani najua bado hujawa na nguvu za kutosha. Nilikuletea kitabu nikamwambia mkeo awe anakusomea. Naamini anafanya hivyo. Juzi tulisherehekea miaka 50 tangu kuuwawa kwa komredi Che Guevara. Najua unavyompenda Che tungekutana ubalozi wa Cuba hapa Dar siku ile.
Shambulio la kutaka kukuua limetuonyesha watu wanaoumizwa na INJUSTICE na wasioumizwa nayo. Wengi wasioumizwa na Injustice wanadiriki hata kuhoji kwanini eti tunapaza sauti kuhusu suala lako. Jibu letu kwao ni nukuu hii ya komredi Che Guevara, nukuu ambayo huniongoza katika maisha yangu ya mapambano ya haki.
“If you tremble with indignation at every injustice, then you are a comrade of mine” (Kama unaumizwa na kila uonevu, popote pale duniani, basi wewe ni mwenzangu).
Aahh! Ndugu yangu nilisema nisikuchoshe. Nikuache upumzike, uwe imara zaidi. Basi pumzika na hili pia;
“We cannot be sure of having something to live for unless we are willing to die for it” (Hatuwezi kuwa na uhakika wa kulipambania jambo mpaka kwanza tuwe tayari kufa kwaajili ya jambo hilo) – Ernesto ‘Che’ Guevara.
Wewe umetuonyesha hilo kwa vitendo na ndio maana upo hospitali Nairobi. Sisi sote twapaswa kuwa Tundu Lissu.
Pole sana Komredi, Mola akupe afya njema.
Nduguyo,
Kabwe Z. Ruyagwa Zitto
Kiongozi wa Chama – ACT Wazalendo
Dar Es Salaam
Oktoba 19, 2017

 
Utafiti wa Twaweza Tanzania unaonyesha kuwa asilimia 67 ya Watanzania wanasema ni muhimu kwa Tanzania kupata katiba mpya na asilimia 56 wanasema toleo la mwisho la rasimu ya katiba lipigiwe kura na wananchi. Hata hivyo, asilimia 48 ya wananchi wanasema kwa maoni yao, katiba mpya haitapatikana ndani ya miaka mitatu ijayo.
Vile vile wananchi wanaendelea kuunga mkono kwa nguvu kubwa uundwaji wa katiba mpya inayotilia mkazo suala la uwajibikaji. Asilimia 79 wanataka mawaziri wanaoteuliwa wapitishwe na bunge na asilimia 64 wanataka wawe na uwezo wa kuwaondoa wabunge katikati ya chaguzi iwapo hawatatekeleza majukumu yao ipasavyo.


Hata hivyo, wananchi wamegawanyika kwenye baadhi ya hatua za uwajibikaji zilizopendekezwa ikiwemo kuzuia viongozi na watumishi wa umma kuwa na akaunti nje ya nchi (asilimia 52 wanaunga mkono), kuwepo kwa ukomo wa ubunge (asilimia 52 wanaunga mkono) na kuweka kanuni za uwazi na uwajibikaji kuwa sehemu ya tunu za taifa (asilimia 48 wanaunga mkono). Hivi vyote ni vipengele vya rasimu ya katiba ambavyo viliondolewa na Bunge Maalumu la Katiba. Pia, wananchi wanaunga mkono kuondolewa kwa kipengele kinachotaka kuchunguza na kudhibiti ofisi ya Rais (asilimia 55) pamoja na mawaziri kuchaguliwa kutoka nje ya Bunge (asilimia 62).
Matokeo haya yametolewa na Twaweza katika utafiti wake uitwao Zege imelala? Maoni ya wananchi kuhusu kukwama kwa mchakato wa kuunda katiba mpya. Muhtasari huu unatokana na takwimu kutoka Sauti za Wananchi, utafiti wa kwanza barani Afrika wenye uwakilishi wa kitaifa unaotumia simu za mikononi. Matokeo haya yanatokana na takwimu zilizokusanywa kutoka kwa wahojiwa 1,745 kutoka maeneo mbalimbali ya Tanzania Bara (Zanzibar haihusiki kwenye utafiti huu) mwezi Juni hadi Julai 2017.
Muundo wa serikali ni moja kati ya vipengele vilivyoibua mjadala mzito wakati wa mchakato wa kuunda katiba mpya na hatimaye kuwagawa wananchi. Asilimia 42 ya wananchi wa Tanzania Bara waliunga mkono muundo wa serikali mbili. Muundo wa serikali moja ulikubalika kwa asilimia 25 tu na muundo wa serikali tatu uliopendekezwa na Tume ya Mabadiliko ya Katiba ulipendwa na asilimia 16 tu. Muundo unaoendana na muundo uliopo hivi sasa lakini unaotoa uhuru zaidi kwa Zanzibar uliungwa mkono na asilimia 12. Kukubalika kwa muundo wa serikali unaotumika hivi sasa umeongezeka kutoka asilimia 25 mwaka 2014, hadi asilimia 42 mwaka 2017 na kukubalika kwa serikali tatu kumeshuka kidogo, kutoka asilimia 22 hadi asilimia 16 katika kipindi hicho hicho.
Wananchi wa Zanzibar wana mtazamo tofauti kabisa kuhusu suala hili. Mwaka 2014, asilimia 46 waliunga mkono muundo wa serikali tatu na asilimia 45 waliunga mkono muundo wa serikali mbili uliopo hivi sasa lakini uwe unatoa uhuru zaidi kwa Zanzibar.
Pamoja na maoni mazito kuhusu suala la maudhui, asilimia 91 ya wananchi wanakubali kuwa mchakato wa kuunda katiba pamoja na maudhui ya katiba vyote ni muhimu. Asilimia 18 wanakumbuka kushiriki katika mchakato wa mapitio ya katiba, asilimia 44 wanaona kuwa mchakato huo ulikuwa kwa ajili ya kukusanya maoni ambayo haikuwa lazima yajitokeze kwenye katiba, na asilimia 23 wanaona kuwa mchakato huo ulikuwa ni kwa ajili ya kuwapa tu taarifa na siyo kukusanya maoni yao. Asilimia 33 waliosalia wanauona mchakato wa katiba kuwa kwa ajili ya kusikiliza maoni ya wananchi na kuyatumia kwenye rasimu za katiba.
Kwa kuongezea, japokuwa asilimia 93 ya wananchi wameshawahi kusikia kuhusu katiba, ni asilimia 35 ya wananchi wanaoweza kueleza maana ya katiba. Asilimia 49 wanasema kuwa Rais ndiye anayepaswa kuongoza mchakato wa kuibadilisha katiba. Kwa ujumla wanawake wana uwezekano mdogo kuliko wanaume wa kufahamu kuwa mchakato wa kuibadilisha katiba ulianza (asilimia 81 ya wanaume ukilinganisha na asilimia 61 ya wanawake) na kwamba walishiriki kutoa maoni yao kwenye mchakato huo (asilimia 25 ya wanaume ukilinganisha na asilimia 10 ya wanawake).

Asilimia 23 ya wananchi waliunga mkono kugomewa kwa Bunge Maalumu la Katiba kulikochochewa na kuanzishwa kwa UKAWA (Umoja wa Katiba ya Wananchi). Idadi muhimu ya wananchi (asilimia 41) wanasema kuwa mgomo huo ulibatilisha mchakato wote, lakini asilimia 56 hawakubaliani na hoja hiyo. Ila, wananchi walipoulizwa kuhusu suala hilo kwa kutumia kauli ya jumla (iwapo kikundi kikiamua kutoshiriki, itasababisha katiba kukosa uhalali), idadi kubwa zaidi ya wananchi (asilimia 56) walikubali.
Katika kusonga mbele, asilimia 48 wanasema njia nzuri ni kuanza upya mchakato wa katiba. Pendekezo la wananchi linalofuata na lililoungwa mkono na asilimia 18 ya wananchi ni kutumia rasimu iliyoandaliwa na tume iliyopita na kuifanyia marekebisho. Kwa upande mwingine, asilimia 38 wanataka mchakato uanze upya kabisa katika ukurasa mpya, wakati asilimia 31 wanataka uanze kwa kutumia rasimu ya Tume ya Mabadiliko ya Katiba. Asilimia 16 ya wananchi wanataka mchakato uanze kwa kutumia katiba iliyopo hivi sasa na asilimia 11 wangependa itumike rasimu iliyotengenezwa na Bunge Maalumu la Katiba.
Mkurugenzi Mtendaji wa Twaweza Aidan Eyakuze, anasema: “Wananchi wanataka katiba mpya. Wengi wao wanataka mchakato uanze upya na tume mpya katika ukurasa mpya. Hata hivyo, wapo wananchi ambao wapo tayari kusonga mbele kwa kutumia rasimu iliyoandaliwa na tume iliyotangulia. Cha msingi ni kwamba, wananchi wanaunga mkono kipengele kilichoongeza madaraka ya bunge katika suala la kuwapitisha mawaziri walioteuliwa, na kinachowapa wananchi haki ya kuwaondoa wabunge wanaozembea kazini.”
“Lakini”, aliendelea, “utafiti huu umedhihirisha uwajibikaji wa siasa kwenye uhalali wa mchakato wa katiba. Matokeo yameonesha dhahiri kwamba wananchi wengi wanatatizwa katika kutofautisha kitendo cha UKAWA kugomea bunge la Katiba na migomo mingineyo. Ushabiki wa kisiasa huwafanya watu wengi kutozingatia uhalali wa jambo husika. Hivyo basi; vyovyote tutakavyofufua mchakato wa katiba, ni muhimu sana kwa wahusika wakuu kuheshimu na kutambua kwamba sheria mama ya nchi ni ya thamani zaidi kuliko tofauti za kisiasa. Tanzania inahitaji mchakato wa katiba utakaozingatia uhalali na ujumuishi wa watanzania wote”

October 18, 2017

 
Mtoto wa aliyekuwa Waziri Mkuu wa zamani wa Tanzania marehemu, Edward Moringe Sokoine, Kereto Sokoine ameauwa kwa kuchomwa kisu katika ugomvi ulitokea na mkewe hii leo mkoani Arusha.
Kamanda wa Polisi mkoa wa Arusha, Charles Mkumbo, amethibitisha kutokea kwa tukio hilo na kusema kuwa limetokea mchana wa  leo Jumatano,na jeshi la polisi tayari lipo katika eneo la tukio kufuatilia kwa undani kilichojiri mpaka kutokea kwa tukio hilo.
Chanzo: Mtanzania

 
Muigizaji Elizabeth Michael (Lulu), amesema kesi inayomkabili ya kuua bila ambayo inamkabili haikuwahi kuisha kama baadhi ya watu wanavyodhani.
Muigizaji huyo  huyo anakabiliwa na kesi ya kusababisha kifo bila kukusudia cha aliyewahi kuwa muigizaji  mwenzie, Steven Kanumba kilichotokea April 7,  2012 . Akizungumza na Planet Bongo ya EA Radio ameeleza kuwa watu wanadhani kesi hiyo ilimalizika kutokana na kutojua sheria.
“Unajua watu hawajui sheria, kesi haikuwahi kuisha ni procedure ya kawaida ya mahakama imefuatwa na ni muda wake umefika sasa, siyo kama imeibuka tu” amesema Lulu.
“Kwa sababu mimi ndiye muhusika nimepata taarifa kwa njia ya kisheria siyo kama nyie kwenye mitandao, pengine niliipata kabla yenu” ameongeza.
Hata hivyo amesema kuwa asingependa kulizungumzia sana suala hilo kutokana tayari lipo mahakamani ila amelazimika kufanya hivyo kutokana yeye ndiye muhusika. Kesi hiyo imepangwa kusikilizwa tena hapo kesho October 19, 2017.
Hali ya Mbunge wa Singida Mashariki Tundu Lissu, imezidi kuimarika baada ya leo kutoa sauti yake akiongea na jamii kwa jumla na kuwaomba wazidi kumuombea. Lissu akiwa Hospitali nchini Kenya ametoa kauli hii . Bofya Video hapa chini ili kumsikia


                 

October 17, 2017

  

CHAMA kikuu cha upinzani nchini CHADEMA kimeishinikiza serikali kuruhusu vyombo vya uchunguzi vya kimataifa kuchunguza juu ya tukio la kupigwa risasi mbunge wa Singida mashariki na Mwanasheria wa chama hicho Tundu Lissu. Mwenyekiti wa Chadema, Freeman Mbowe amesema hayo mapema leo hii kuwa, hawana imani na vyombo vya ulinzi na usalama vya nchini . Mbowe pia amedai wameshangazwa na kuondolewa kwa kamera za cctv nyumba ya waziri iliopo jirani na shambulio la kupigwa risasi kwa mbunge huyo ambaye afya yake inaimarika.

Tazama Video hapa Chini
                        


Moja ya majengo ya kifahari ya kibiashara yanayomilikiwa na Rais Trump.
 Jarida la Forbes leo limetangaza majina ya matajili 400 nchini Marekani na kwenye orodha hiyo imeonesha utajiri wa Rais wa Marekani, Donald Trump kuporomoka kwa kiasi cha dola milioni $600 kutoka Dola bilioni $3.7 mwaka jana 2016 hadi dola bilioni $3.1 mwaka huu.
Kutokana na kuporomoka kwa ukwasi huo Rais Trump ameshushwa kutoka nafasi ya 156 mwaka jana hadi nafasi ya 248 mwaka huu.
Jarida la Forbes limesema kuporomoka kwa uchumi wake kumetokana na kushuka kwa soko la biashara ya ardhi (Real Estate) kama Nyumba, Hoteli, Appartments n.k jijini New York na gharama kubwa alizotumia kwenye kampeni za kugombea urais mwaka 2016.
Hii ndio orodha kamili ya matajiri 10 walioongoza kwenye orodha ya matajiri 400 wenye utajiri mkubwa nchini Marekani kwa mwaka 2017 .
1-Bill Gates kwa utajiri wa dola bilioni $89.
2-Jeff Benzos mmiliki wa amazon.com dola bilioni $81.9.
3-Warren Buffet dola bilioni $78.
4-Mark Zuckerberg mmiliki wa Facebook dola bilioni $71.
5-Larry Ellison mmiliki wa kampuni ya Oracle inayojihusisha na utengenezaji wa Software, anamiliki dola bilioni $59.
6- Charles Koch mmiliki wa makampuni ya Koch ana dola bilioni $48.5 .
7-David Koch huyu ni mdogo wake na Charles Koch nae anamiliki dola bilioni $48.5 .
8-Michael Bloomberg muanzilishi na mmiliki wa kampuni Bloomberg LP inayojihusisha na utoaji wa taarifa na takwimu mbalimbali za biashara na uchumi duniani. amekadiliwa kuwa na dola bilioni $46.8 .
9-Larry Page, ni mmoja wa waanzilishi wa kampuni ya Google anamiliki dola bilioni $44.1 .
10-Sergey Brin, Mmiliki wa kampuni ya Alphabet Inc kampuni mama inayofanya kazi na Google, anamiliki dola bilioni $43.4 .
Chanzo: Jarida la Forbes .

October 16, 2017

Mmoja wa washiriki wa shindano la ‘’SMIRNOFF ICE BLACK DJ SEARCH’’ Akiwa katika mashine kuonesha ujuzi wake huku jaji mkuu DJ PQ akimsikiliza kwa makini mapema mwishoni wa wiki iliyopita katika fukwe za Coco.
 
Kampuni ya bia ya Serengeti (SBL) leo imezindua upya msimu wa pili wa ‘’Smirnoff ice black’’ (SIB) Dj search . Kampeni hii ya miezi mitatu itakayolenga kusaka Dj bora.
Akiongea katika uzinduzi huo maeneo ya Coco Beach Dar es salaam, Meneja wa bidhaa wa SBL Ester Raphael amesema mashindano hayo yana dhumuni la kuhamasisha na kuvutia watumiaji wapya wa kinywaji hicho huku wakishindanisha maDJ nchi nzima na kupata vinara watatu ambao watapa ta zawadi nono.
Lengo jingine la uzinduzi huu alifafanua Ester ‘’Ni kuongeza ufahamu wa kinywaji hicho kwa watumiaji wake kwamba ni kinywaji ambacho kipo tayari kwa kunywa na kuhamasisha kuwa ina ladha ya kipekee ya limao.
“Tunaamini kwa kupitia shindano hili , SBL itatoa msisimko kwa wateja wake na muziki mzuri na nafasi ya kipekee kuonyesha uwezo wa MaDj wanaochipukia’’. Ester ametaja mikoa ambayo shindano hilo litafanyika, mikoa hiyo ni pamoja na Dar es Salaam, Dodoma, Arusha, Morogoro, and Mwanza kila mkoa kutoa maDj 10 na jumla kuwa maDJ 50, mwishoni watapambanishwa na kupata washindi watatu ambao watapokea zawadi kutoka SBL.
“Kutakuwa na zawadi kwa washindi wetu”, alifafanua na kusema zawadi hizo zitajumuisha DJ kits, laptops na controllers kwa washindi watatu watakaofika finali hizo.
Ester alimalizia kwa kusema “Tunapenda kuchukua nafasi hii kuwaalika maDj wote na wapenzi wa muziki kujumuika nasi katika shindano hili ili kusherekea kwa pamoja na kinywaji chetu cha Smirnoff Ice Black’’



Mahakama Kuu ya Tanzania, Kanda ya Dar es salaam inatarajia kuanza kusikiliza ushahidi wa kesi ya mauaji bila kukusudia inayomkabili Msanii wa filamu nchini Tanzania, Elizabeth Michael maarufu kama ‘Lulu’ Oktoba 19, 2017.
Lulu anakabiliwa na kesi hiyo akidaiwa kumuua Msanii mwenzake, Steven Kanumba bila kukusudia kinyume cha kifungu cha 195 cha kanuni za adhabu (PC), April 7/2012 nyumbani kwa marehemu Kanumba, Sinza Vatican.
Kwa mujibu wa ratiba ya vikao vya kesi za mauaji ya bila kukusudia iliyotolewa na Mahakama Kuu, kesi ya Lulu itaanza kusikilizwa siku ya Oktoba 19/2017 mbele ya Jaji Sam Rumanyika

October 15, 2017

Image result for HARMONIZE FT KOREDE BELLO - SHULALA (OFFICIAL VIDEO)
 Lile colabo lililokuwa likisubiliwa kwa hamu kubwa sana Afrika la wasanii toka W C B Wasafi la Harmonize na mwanamuziki kutoka Nigeria katika Lebo ya Maving inayomilikiwa na Don Jazz. Limekamilika, Mwanamuziki Harmonize hapa ametuletea mwanamuziki Korede Bello wanakwambia Shulala

                

October 14, 2017

 

Ikiwa kunachangamoto kubwa  ya vifaa tiba katika hospitali zetu nchini, mwanamuziki Nay wamitego ameliona hilo na kuamua kutoa msaada wa madawa katika Hospitali ya Tandale. Nay akiwa Hospitalini hapo aliwatembelea baadhi ya wagonjwa na kukabidhi madawa kwa uongozi wa Hospitali hiyo. Uongozi wa Hospitali hiyo umemshukuru Nay kwa msaada huo na kuwaomba wasanii wengine kuona changamoto hizo na kuungana na Nay katika kutatua kero mbalimbali. 

Tazama Video hapa chini

              
 

Leo ikiwa ni 14 Oct 2017, Tanzania ipo katika maadhimisho ya kumbukumbu ya kifo cha hayati Baba wa Taifa Mwl. Julius Kambarage Nyerere rais wa kwanza wa Tanzania aliyefariki dunia siku Tarehe kama ya leo mwaka 1999. Yapita miaka 18 mpaka kifikia siku ya leo. Aliyekuwa rais wa Tanzania kipindi kile Mh. Benjamin William Mkapa ndiye aliytangaza kifo cha Mwalim. Tujikumbushe hapa chini


                     
 

ABIDJAN: watu wanne wanadhaniwa kufariki katika ajali ya ndege leo hii iliyoanguka ndani ya bahari karibu na uwanja wa ndege wa kimataifa wa mji mkuu wa Ivory Coast Abidjan, shahidi wa Reuters alisema.
Wafanyakazi wa moto na waokoaji waliondoa miili miwili kutoka katika ndege, ambayo ilikuwa imevunjika vipande kadhaa na kukaa karibu na pwani. Miili miwili miwili ilikuwa inayoonekana katika wreckage.
Shuhuda mwingine aliona majeruhi wawili
Uharibifu ulifanyika wakati wa dhoruba na mvua nzito na umeme na waokoaji walipunguzwa na bahari mbaya. Ingawa uwanja wa ndege wa Abidjan uko katika eneo lenye watu wengi, haikuonekana kulikuwa na waathirika yeyote chini.
Jina la kampuni inayomiliki ndege hiyo bado haikujulikana mara moja.
Uwanja wa ndege wa Abidjan, jiji lenye watu milioni 5, ni busy kanda ya usafiri wa kikanda. Pia hutumiwa na jeshi la Kifaransa ambalo linatumia msingi wa vifaa huko kwa kuunga mkono operesheni ya kupambana na Kiislamu katika eneo la Sahel Magharibi mwa Afrika.

Chanzo Reuters

Mwana dada Leysir anakuletea wimbo mpya kabisa unaitwa Usinitende. Wimbo umefanyika katika studio za Touchez Sound chini ya producer Kimambo


October 13, 2017

 

Kama gari kuwaka basi limewaka jumla. Ndiyo tunaweza kusema kwa sasa kwa msanii Aslay jinsi anavyokimbiza kila anapofanya show. Mbaya zaidi sasa huwa hapati tabu ya kuimba awapo jukwaani kwani mashabiki ndiyo wanaoimba nyimbo zake. Tazama alichokifanya katika show ya Fiesta Classic Mbeya usiku wa kuamkia leo hii.


                    

Popular Posts

WADAU

BLOG ZINGINE