December 13, 2017


 
 Idara ya Uhamiaji nchini imesema sakata la kumuhoji uraia wake Askofu wa Jimbo la Ngara , Severine Niwemugizi, wataweka wazi pindi uchunguzi utakapokamilika.
Hayo amesema jana  na Kamishna Jenerali wa Uhamiaji Dr. Anna Makakala.
''Hizo ni taarifa za kiuchunguzi ambazo bado tunaendelea nazo, huwezi kuweka wazi kila kitu wakati bado tupo katika uchunguzi, tunapokuwa na shaka na mtu yoyote kuhusu uraia wake tunaruhusiwa kumuhoji,'' amesema Dr. Makakala.
Madai ya Askofu huyo kuhusu kuhoji upatikanaji wa katiba mpya ndio sababu ya kuhojiwa na idara hiyo, Dr. Anna amekanusha na kusema wawaache kwanza hadi uchunguzi utakapokamilika.
''Hayo ya kwake, naomba tusubiri uchunguzi hadi utakapo kamilika,'' ameongeza


 
 Mbunge wa jimbo la Chalinze Mh. Ridhiwani Kikwete kwa tiketi ya Chama Cha Mapinduzi (CCM) amefunguka na kusema kuwa anakwenda mjini Dodoma kwa ajili ya uchaguzi wa viongozi wa ngazi za juu wa chama.
Ridhiwani Kikwete amedai kuwa kura yake kwa Mwenyekiti wa Chama Cha Mapinduzi (CCM) Taifa itakwenda kwa Rais Dkt. John Pombe Magufuli 
"Ninakwenda Dodoma Kwenye Mkutano Mkuu kuchagua Viongozi wa Juu wa Chama Changu. Kura yangu ya Mwenyekiti nitamchagua Dr.John Magufuli.. Nakuomba nawe kura kwake" alindika Ridhiwani Kikwete 

Mkutano Mkuu wa Taifa wa Halmashauri Kuu ya Chama Cha Mapinduzi (NEC) unatarajiwa kuanza Disemba 15, 2017 ambapo pamoja na mambo mengine watafanya uchaguzi wa viongozi mbalimbali wa ngazi ya juu ya chama hicho.
Image result for magufuli
Rais wa Jamhuri ya Muungano wa Tanzania Mhe. Dkt. John Pombe Magufuli ameitaka Benki Kuu ya Tanzania (BOT) kudhibiti matumizi ya fedha za kigeni katika biashara na huduma hapa nchini ili kulinda nguvu ya fedha ya Tanzania na kukabiliana na uhalifu wa kifedha.
Mhe. Magufuli ametoa agizo hilo leo tarehe 13 Desemba, 2017 wakati akifungua tawi la benki ya CRDB-LAPF Dodoma na kubainisha kuwa hatua hiyo itasaidia kuimarisha uchumi wa nchi.
Aidha, Mhe. Rais Magufuli ameitaka BOT kuongeza usimamizi wa benki zinazoendesha shughuli zake hapa nchini ikiwa ni pamoja na kuhakikisha zinajiunga na mfumo wa ukusanyaji mapato kwa njia ya kielektroniki na kufuatilia kwa ukaribu utendaji wake wa kila siku ili ziwe na manufaa kwa nchi.
Hivi sasa kuna benki 58 hapa Tanzania, BOT ni lazima mzifuatilie kwa ukaribu benki hizi, na zile zisizofanya vizuri chukueni hatua mara moja, ni bora tubakiwe na benki chache kuliko kuwa na benki nyingi zinazofanya vibaya”
“Pia nataka mdhibiti matumizi ya Dola, hivi navyozungumza kuna Dola Milioni 1 zimekamatwa uwanja wa ndege wa kimataifa wa Julius Nyerere Jijini  m.caDar es Salaam, hakuna maelezo yoyote juu ya kuingia fedha hizo, ni lazima tuwe makini” amesisitiza Mhe. Rais Magufuli.
Mhe. Rais Magufuli ameipongeza benki ya CRDB kwa kuendeshwa kwa ufanisi tangu ilipobinafsishwa kutoka Serikalini ambapo katika kipindi cha miaka 10 imelipa kodi serikalini kiasi cha Shilingi Bilioni 800, imetoa ajira kwa Watanzania 3,200, imetoa gawio Serikalini la Shilingi Bilioni 19.5 mwaka huu na imetoa mikopo yenye thamani ya Shilingi Trilioni 3.5 ambapo Shilingi Trilioni 1 kati yake zimeelekezwa katika sekta ya viwanda na kilimo.
Kuhusu kupungua kwa kasi ya ukuaji wa mikopo kwa sekta binafsi Mhe. Rais Magufuli amesema Serikali imechukua hatua mbalimbali zitakazoongeza kasi hiyo zikiwemo kupunguza kiwango cha kisheria cha sehemu ya amana za benki za biashara kinachotakiwa kuwekwa Benki Kuu kutoka asilimi 10 hadi 8, kushusha riba ya Benki Kuu mara mbili kutoka asilimia 16 hadi 9, kutoa mikopo maalum kwa benki za biashara, pamoja na Benki Kuu kununua fedha za kigeni kwenye soko la jumla la benki ili kuongeza ukwasi wa shilingi kwenye uchumi.
“Kutokana na hatua hizi nimeambiwa kuwa hali ya ukwasi imeanza kuimarika na kusaidia kupunguza riba katika soko la fedha baina ya benki (IBCM rate) kutoka asilimia 13.69 Desemba 2016 hadi kufikia asilimia 3.29 Novemba 2017, pia riba katika soko la dhamana za Serikali zimepungua kutoka wastani wa asilimia 15.12 hadi 8.76 katika kipindi hicho” amebainisha Mhe. Rais Magufuli.
Mhe. Rais Magufuli ametoa wito kwa benki zote nchini kuanzisha matawi ya benki vijijini na kuwakopesha wajasiriamali ili waweze kuongeza uzalishaji hasa kilimo na viwanda, na pia ametaka wananchi wanaopata mikopo wazingatie kurejesha.
Mapema katika maelezo yake Mkurugenzi Mtendaji wa CRDB Dkt. Charles Kimei amempongeza Mhe. Raia Magufuli kwa juhudi kubwa za kuimarisha uchumi zikiwemo ujenzi wa viwanda, ununuzi wa ndege, ujenzi wa reli ya kisasa (SGR), ujenzi wa barabara za juu (Flyover) na ameahidi kuwa CRDB yenye matawi 469 na wateja 3,500,000 ikiwa ndio benki inayoongoza kwa mtandao mkubwa nchini, itaendelea kushirikiana na Serikali katika kuwawezesha wajasiriamali na uwekezaji katika viwanda na kilimo.
Dkt. Charles Kimei na Mwenyekiti wa Bodi ya CRDB Bw. Ally Laay wamekabidhi hundi ya Shilingi Milioni 100 kwa Mhe. Rais Magufuli kwa ajili ya kuchangia huduma za kijamii, na Mhe. Rais Magufuli amekabidhi hundi hiyo kwa Mkuu wa Mkoa wa Dodoma Dkt. Binilith Satano Mahenge kwa ajili ya ujenzi wa wodi katika hospitali ya Mkoa Dodoma.
Ufunguzi wa tawi la CRDB LAPF Dodoma umehudhuriwa na Mke wa Rais Mhe. Mama Janeth Magufuli, Spika wa Bunge Mhe. Job Yustino Ndugai, Naibu Spika Dkt. Tulia Ackson, Waziri Mkuu Mstaafu Mhe. John Samwel Malecela na Waziri wa Fedha na Mipango Mhe. Philip Isdor Mpango.
Gerson Msigwa
Mkurugenzi wa Mawasiliano ya Rais, IKULU
Dodoma
13 Desemba, 2017

Miili ya Askari 14 wa Jeshi la Ulinzi la Wananchi wa Tanzania (JWTZ ) waliouawa  nchini Jamhuri ya Demokrasia ya Kongo DRC wanatarajiwa kuagwa kesho katika viwanja vya Wizara ya Ulinzi na Jeshi la Kujenga Taifa.
Kwa mujibu wa taarifa iliyotolewa jijini Dar es salaam na Kurugenzi ya Habari na Uhusiano ya Jeshi la Ulinzi la Wananchi wa Tanzania (JWTZ), Waziri wa Ulinzi na Jeshi la Kujenga Taifa (JKT) Dkt Hussein Mwinyi ataongoza kuaga miili hiyo.
Taarifa hiyo inaeleza kuwa, wananchi wote wanakaribishwa kuhudhuria kwenye shughuli hiyo.
Mnamo Novemba 8, 2017 askari 14 wa JWTZ waliuawa huku askari wengine 44 wakijeruhiwa nchini Jamhuri ya Kidemokrasi ya Kongo (DRC) walipokuwa kwenye operesheni ya ulinzi wa amani chini ya Umoja wa Mataifa.

December 12, 2017

Ikiwa ni siku chache zimepita mara baada ya msanii mkongwe Nguza Viking maarufu kwa jina la Babu Seya na mwanae Papii Kocha kuachiwa huru kutokana na kupewa msamaha wa rais Magufuli katika sherehe za maadhimisho ya Uhuru wa Tanzania yaliyofanyika Desemba 9, mwaka huu mjini Dodoma familia hiyo imepata pigo baada ya mdogo wa Babu Seya aitwaye Crizo Chimbukizi kufariki dunia.
Kwa mujibu wa msemaji wa familia hiyo, King Kikii, Crizo alifariki dunia jana kutokana na mshtuko wa moyo baada ya kupewa taarifa ya kuachiliwa huru kwa wawili hao na kwamba taratibu za mazishi zinafanywa.
Marehemu anatarajiwa kuzikwa mkoa wa Katanga Kongo nyumbani kwa familia ya Nguza.Rais wa Jamhuri ya Muungano wa Tanzania, John Magufuli alitoa msamaha kwa mwanamuziki maarufu Nguza Viking maarufu kama Babu Seya na mwanaye Jonson Nguza maarufu kama Papii Kocha wasanii waliokuwa wanatumikia kifungo cha maisha jela.


Baada ya juzi rapa Stamina kuonekana akivalisha pete mchumba wake wa muda mrefu, amefunguka kumzungumzia mrembo huyo pamoja na kueleza sifa zake. Rapa huyo ambaye anaunda familia ya Rostam akiwa na Roma, amesema hajakurupuka kumvalisha pete mke wake huyo mtarajiwa.

 Safari yetu ilianzia mbali sana mpaka hapa tulipofikia,,na bado tunaenda mbali mbali zaidi ya tulikotoka,,umenivumilia mengi sana,,vikwazo na matatizo hapa kati tumepitia mengi sana ila bado tukasimama pamoja,,MUNGU ABARIKI KILA HATUA YETU KATIKA MAISHA YETU,,wanga hawakosekanagi katika hili swala ila wamechelewa maana tuna protein za kutoshaaaaaa😂😁😅,, THANKS @roma_zimbabwe umeni inspire sana katika hili wewe na @mrs_roma2030 ,,shukrani kwa timu nzima ya #ROSTAM @djj_one @mokobiashara na BOSS WETU @musababaz kwa kua karibu katika kila jambo,,SISTER @reyjons ahsante sana suport yako naithamini na kuiheshimu,,AHSANTENI MASHABIKI ZANGU NA WADAU WOTE AMBAO MMEKUA MKISUPORT KAZI ZANGU...BILA NYINYI NISIFIKA HATUA HII PIA YA KUWAZA NDOA,,,mtu mbaya @ki2pe umetisha na haya mavazi ahsante sana

#AHSANTENI WOTE


                       
Mbunge wa Nzega, Hussein Bashe amempa wosia Mwenyekiti mpya wa  (UVCCM), Kheri James kuwa amepata nafasi hiyo hivyo aitumie vizuri kuhakikisha UVCCM wanakuwa waasi wa udhalimu wa serikali na viongozi mbalimbali.
Amesema hayo kupitia ukurasa wake wa Instagram, ambapo ameandika kuwa wao walijaribu kufanya hivyo lakini walishindwa lakini anaamini kutokana na uwezo wa Mwenyekiti huyo wa UVCCM anaweza kutimiza hilo.
“Sisi kaka zako tulishindwa ndani ya mioyo yetu tunajua tulishindwa kufanya vizuri bali tutakupa ushirikiano kwenye kutimiza wajibu Wako,”amesema Bashe
Hata hivyo, Mbali na hilo Bashe amemsisitiza Mwenyekiti mpya wa UVCCM kuwa imani aliyopewa na vijana ahakikishe anaitumia vizuri na asimuangushe Rais Dkt. John Pombe Magufuli ambaye aliwataka vijana kufanya mabadiliko ya viongozi ambao wataleta mabadiliko ndani ya chama na Umoja huo wa vijana.
Mwanamuziki Zuwena Mohammed maarufu Shilole amesema aliamua kufunga ndoa kimyakimya baada ya kushauriwa na viongozi wa dini.

Pia, ameeleza alivyopata upinzani kutoka kwa dada yake ambaye hakutaka aolewe na mwanamume aliyemchagua.

Ndoa ya Shilole ilizua gumzo baada ya kufanyika katika hali ya kushtukiza licha ya kuwa aliahidi angefunga kwa uwazi na kufuatiwa na sherehe kubwa.

Shilole akizungumza na mwandishi wa mtandao wa Millard Ayo, amesema aliamua kufunga ndoa kimyakimya na mpenzi wake Uchebe baada ya kuambiwa ndoa haitangazwi kwa sababu inaweza kukaribisha uadui.

“Niliambiwa si kila mtu anapenda kusikia jambo jema kama hilo, wengine wanaweza kukufanyia husuda usifanikishe kwa hiyo nikaamua kuwasikiliza lakini haimaanishi kuwa sitafanya sherehe,” amesema.

Akizungumzia familia yake kumzuia kufunga ndoa amesema, “Unajua hayo ni mambo ya kifamilia, nina watoto wawili halafu ananichagulia mwanamume wa kuolewa naye?”

Shilole amesema anatarajia kufanya sherehe kati ya Desemba 25 na Desemba 27,2017.

“Sherehe ya kukata na shoka nitaitangaza siku mbili hizi. Itakuwa ya aina yake kwa kuwa watu watakula, kunywa na vingine kubeba. Itakuwa ya kihistoria,” amesema

Mbunge wa Singida Mashariki kupitia tiketi ya Chama cha Demokrasia na Maendeleo (CHADEMA), Tundu Lissu amesema kuwa hawezi kuacha kuitafuta haki pamoja na kuikosoa serikali pindi itakapoenda kinyume na utaratibu wa kuongoza nchi.
Ameyasema hayo akiwa Hospitali jijini Nairobi nchini Kenya anakopatiwa matibabu tangu mwezi Septemba 2017, alipojeruhiwa mkoani Dodoma kwa kushambuliwa na watu wasiojulikana.
”Siachi kuikosoa Serikali hata siku moja, nitadai haki hadi mwisho wa maisha yangu, nimekuwa na tabia ya kudai haki tangu nikiwa mdogo nafanya hivyo ili kuokoa Taifa langu,” amesema Lissu.
Hata hivyo, ameongeza kuwa yupo katika hali nzuri, amepona majeraha yote kilichobaki kusimama na kutembea, huku akihoji vyombo vya dola kukaa kimya akiwemo Spika wa Bunge, Jaji Mkuu wa Tanzania pamoja na Mahakama.
 Image result for abdulrahman kinana
Katibu Mkuu wa Chama cha Mapinduzi (CCM), Ndg. Abdulrahman Kinana amefuta mchakato wa kura za maoni za kumtafuta mgombea ubunge kupitia chama hicho katika jimbo la Singida Kaskazini baada ya kugundua kuwa kuna viashiria vya rushwa kwa wagombea wa nafasi hiyo.

Ndg. Kinana amewasimamisha kabisa wagombea wawili, Haider Gulamali na Elia Mlangi kutojihusisha na mchakato huo tena wa kura za maoni na kwa mabadiliko hayo mchakato wa kura za maoni utaanza upya kesho ambapo watu wenye nia ya kugombea watahitajika kuchukua fomu na kujaza kisha kuzirudisha.
Jimbo la Singida Kaskazini limekuwa wazi tangu Mhe. Lazaro Nyalandu ajivue uanachama wa Chama cha Mapinduzi (CCM) mwishoni mwa mwezi Oktoba mwaka huu.
Soma zaidi:


December 11, 2017


Msanii wa muziki Bongo, M 2 The P amesema haamini iwapo Diamond na Alikiba wana beef kama inavyokuwa ikiripotiwa.
Amesema kilichopo kati ya Alikiba na Diamond ni ushindani wa kimuziki kitu ambacho ni kizuri katika ukuaji wa muziki wa Bongo Flava.
“Siwezi kusema wana beef labda wana ushindani wa muziki, kila mtu anajali kufanya kazi vizuri, Mungu awalijie waendelee kufanya vizuri, sitaki beef waendelee tu muziki wetu ufike mbali” M 2 The P ameiambia Bongo5.
M 2 The P amemtolea mfano Diamond kwa kusema ameweza kufanya kolabo na wasanii wengi wa kimataifa kitu ambacho kimeitangaza Afrika Mashariki kimuziki na ndivyo inavyotakiwa na siyo beef.
 The song produced by CAT P At Elnino Music And Video Directed by GQ from DIGITAL VIBES & LION HEAD

              

                                       
Msanii kutoka mji kasoro bahari, ambaye anaitwa Nexus ameachia  ngoma yake mpya inayoitwa  Weka ni Weke , ngoma imefanyika ndani ya  Free Nation  chini ya produza  Awesone kwa upande wa audio na Video yake imesimamiwa Deo  Abelli.

Weka ni weke ni ngoma ya michano amabayo inafanya vizuri toka imeachiwa Huu ni ujio wa wake mpya baada ya ngoma yake ya kwanza inayoitwa Kimewaka.
Nexus anadai kuwa anaamini mziki wake utafika mbali kutokana kwamba amejipanga kufanya hit juu ya hit .

Unaweza kumtafuta kwenye  Fb – Nexustz na instagram Nexustz pia unaweza ukascribe ngoma hiyo Youtube video na Audio,
 


December 10, 2017


Mwanamuziki mkongwe wa Hip Hop Tanzania Jay Moe, ameachia video ya wimbo wake wa Bata. Jay Moe ameachia Viodeo hiyo ikiwa ni siku chache tu tangu kutoka kwa audio ya wimbo huwo.
               

 
 Klabu ya soka ya Manchester City imeibuka na ushindi wa mabao 2-1 dhidi ya mahasimu wao wa jiji hilo Manchester United kwenye mchezo wa EPL uliomalizika usiku huu kwenye dimba la Old Traford.
Kwa ushindi huu wa leo Man City imeifikia rekodi ya Arsenal ya mwaka 2002 ya kushinda mechi 14 mfululizo. Wakati huo kocha Pep Guardiola ameendeleza ubabe dhidi ya kocha Jose Mourinho ambapo katika mechi 20 walizokutana Guardiola ameshinda 10 huku Mourinho akishinda 4 na kutoka sare mechi 6.
Kwa upande mwingine Man City wamevunja rekodi ya Man United ya kucheza mechi 40 bila kupoteza katika uwanja wake wa  Old Trafford. Mara ya mwissho Man United kufungwa kwenye uwanja huo ilikuwa Septemba 2016 ambapo ilifungwa na Man City hiyo hiyo.

Katika mchezo wa leo Man City ndio walikuwa wa kwanza kufunga bao katika dakika ya 42 kupitia kwa kiungo David Silva kabla ya Man United kusawazisha kupitia kwa Marcus Rashford dakika 45 kipindi cha kwanza.
Bao la ushindi la Man City limefungwa na mlinzi Nicolas Otamendi dakika ya 54. Manchester City sasa imepanua wigo wa pointi kileleni ikiwa imefikisha alama 43 huku Man United ikiwa na alama 35 katika nafasi ya pili.

Popular Posts

WADAU

BLOG ZINGINE