February 20, 2018

Viongozi mbalimbali wakiwa na Waziri wa Nchi, Ofisi ya Rais, TAMISEMI Selemani Jafo wakikagua miundombinu iliyojengwa kwa shule ya msingi Kitongamango.

 
 
                 Madarasa mapya yaliyojengwa katika shule ya msingi Kitongamango.
 
 
 Wanafunzi wa Shule ya msingi Kitongamango wakimpokea Waziri wa Nchi, Ofisi ya Rais, TAMISEMI Selemani Jafo.
              Jengo la Ofisi ya Walimu na madarasa katika shule ya msingi Boga.
 
Majengo mapya ya Shule ya msingi Boga.

Wanafunzi wa shule za msingi Kitongamango na Boga wilayani Kisarawe  wameishukuru serikali kwa kuwajengea madarasa mapya, vyoo vya kisasa pamoja na Ofisi za walimu za walimu katika shule zao.

Shukrani hizo wamezitoa kwa serikali wakati wa Waziri wa Nchi, Ofisi ya Rais, TAMISEMI Selemani alipokuwa akizindua miundombinu hiyo katika shule hizo.

Shule hizo pamoja na shule ya msingi Mitengwe zilikuwa katika hali mbaya ya miundombinu hiyo lakini kwasasa zimejengewa na kuonekana za kisasa.

Miundombinu iliyojengwa ni pamoja na vyumba vya madarasa 4, vyoo matundu 10, na Ofisi za walimu kwa kila shule, hali ambayo imebadili mazingira ya shule hizo.

Kufuatia hali hiyo, Wanafunzi hao wamemshukuru Rais Dkt. John Pombe Magufuli na Mbunge wa Kisarawe Selemani Jafo  kwa kubadilisha shule zao kwa kuweka mazingira mazuri ya kusomea.

Wamemuahidi Waziri Jafo kusoma kwa bidii katika na kufanya vizuri kwenye masomo yao.

                                   
Familia hiyo imeikabidhi serikali bajeti ya maziko ya zaidi ya Sh milioni 80 baada ya serikali kusema itagharamia mazisho hayo.
Msemaji wa Familia, Festo Kavishe amekabidhi bajeti hiyo leo Jumanne Februari 20, kwa Katibu Mkuu wa Wizara ya Elimu, Sayansi na Teknolojia, Dk. Leonard Akwipalo na Mkuu wa Wilaya ya Ubungo, Kisali Makori.
         
“Hayo ndiyo makubaliano ya familia, tumewakabidhi wataenda na kujadiliana kisha tutakutana nao saa 10 jioni leo, kisha watatueleza ya kwao pia, tunachohitaji ndugu yetu apumzike kwa amani,” amesema Kavishe.
Baada ya kukabidhi bajeti hiyo kwa serikali, wadau mbalimbali wa mambo katika mitandao ya kijamii wamekuwa wakiijadili bajeti hiyo. Haya ni baadhi ya maoni ya wadau hao katika mitandao ya kijamii.
G de Don
Mbn pesa kidogo ivo!
Naiomba familia iwe serious bas msifanye bajeti kwa woga tulizeni akili hiyo ni kwa ajili ya mazishi bado mambo kadha wa kadha ya msiba na familia

Maimuna Mohamed
Kabsa mana wakat unatoa gharama zako kumsomesha mtoto wako ina mana kwmba ni kwa faida yake na ya mzazi pia hta kma roho ya mlengwa haitorud kma wao wamewakomoa familia ya marehemu bac na familia ina haki ya kuamua chchte tna hyo ndgo wangesema hta million 150 angalau hv wanajua mpka hpo marehemu alipofikia ameshatumia gharama shs ngpi?Kwanza wazaz wake wameshakuw wazee ni bora wapewe hzo fedha ziwafae uzeeni..nyie mnaosapot serikali halijawah kuwakuta ndo mana.

OG Dogo Maginga Tz
Mmmmmh mil80 yote duh 😊😊R. I. P Mdogo wangu huku umeacha watu kupiga dili wachaga hawapendi ujinga hii inaitwa kufa kufaana.

Kelvin Korosso
Watu wa hajabu kweliii hii familia yaanii mnafurahi mwanenu kufa ilmradi mpate mihelaa iyo mmegeuza kifo cha mwanenu mtajiiiii?? hama kweliii umaskini kitu kibaya saana nimeamini!!

John Hizza
Hiyo ni bajeti yao musiwaingilie kama mumeshindwa kugaramia kama ahadi yenu mulioitoa basi changieni na ijulikane kuwa niwachangiaji tuh hamkugaramia garama yote kama ahadi yenu mulioitoa kimhemko

Vivquetyviv Viv
Serikal iwe makini ..kwa bajeti hii mnakula chakula gan njiani cha mill 3 ..uko rombo mnakula nn mill 30 mwisho wa siku msiba ukiisha mnaaza kugombana mwenyewe

                          
Msanii wa muziki Bongo, Nay wa Mitego amefunguka kuhusu kumtabiria Diamond kushuka kimuziki.
Siku za karibuni Nay wa Mitego alipost picha katika mtandao wa Instagram ikionyesha myama simba akiuawa kikatili, picha hiyo iliamsha hasira kwa mashabiki wa Diamond kwa sababu msanii huyo hutumia jina la simba pia.

Nay akizungumza na kipindi cha The Playlist cha Times Fm amesema hakukusudia jambo lolote baya kwa Diamond kwa sababu ni rafiki yake na wameshawahi kufanya kazi pamoja.
“Diamond ni mshikaji wangu, tumefanya kazi kubwa sidhani kama imefikia hatua ya sisi kuwa maadui kiasi hicho na siwezi kumuombea mabaya kiasi hicho lakini tunaona changamoto anazopitia,” amesema Nay.
“Nilijua tu ile picha wabongo kila mtu ataongea la kwake lakini sina tatizo na Diamond na hata kama lipo basi tutalimaliza ile picha ilikuwa haimuhusu,” amesisitiza.
Nay amesema sababu ya kuposti picha hiyo ni kupima akili za mashabiki wala kulikuwa hakuna lolote baya. Nay wa Mitego na Diamond wameshafanya kolabo mbili ambazo ni Muziki Gani na Mapenzi Pesa.

February 18, 2018

Mwanamuziki Nay wamitego, anatuletea Video ya wimbo wake mpya kabisa unaitwa Mikono Juu. Audio ya wimbo huu ilitoka wiki moja iliyopita na sasa ametuletea Video yake rasmi kabisa

                         

Ule wimbo wa Collabo kati ya mwanamuziki kutokea WCB Rayvanny akiwa sambamba na Jason Derulo pamoja na makali French Montana Tayari umetoka rasmi. Wimbo unaitwa Tip Toe Remix

                       

February 17, 2018

 
Kwa mara ya kwanza kabisa mwanamuziki Papii Kocha mtoto wa Mfalme, amepanda jukwaani katika usiku wa mapenzi18 NdandyAslay na Marafaiki, show iliyofanyika usiku wa kuamakia leo hii pale Ascape One Mikocheni, Kiu na hamu ya mashabiki wa muziki ni kumuona Papii akifanya show jukwaani mara baada ya kutoka jela. Alifanya show fupi ya wimbo mmoja wa waambie. 

Hata hivyo Papii hakuimba mda mrefu na mwishoni Aslay alitangaza kwamba kuna show kubwa ya Papii itafanyika siku za usoni.

                          
  
Tume ya Taifa ya Uchafuzi NEC , Tayari imeyatangaza matokeo ya uchaguzi mdogo wa Ubunge katika jimbo la Kinondoni, uliofanyika jana


                     
Msanii wa muziki Bongo, Aslay anatarajia kufanya ziara ya kimuziki barani Ulaya.Muimbaji huyo atatumia kipindi cha zaidi ya mwezi mmoja kukamilisha ziara hiyo inayotarajiwa kuanza March 2 hadi April 7 mwaka huu.
Kwa kipindi hicho atafanya show nane katika nchi mbali mbali zikiwemo Norway, Sweden, Finland, Swiss, Germany, Denmark na Holand.

 RATIBA IPO HIVI:
Fri 2.3 Stockholm – Sweden
Sat 3.3  Tampere-Finland
Sat 17.3 Berlin-Germany
Sat 24.3 Munich -Swizz
Fri 30.3  Copenhagen- Denmark
Sat 31.3 Köln-Germany
Fri 6.4  Holland
Sat 7.4  Helsinki-Finland
Image result for Flavour - Someone Like You [Official Video]
 
Mwanamuziki Flavour ameachia video ya wimbo wake mpya unaitwa Someone Like You. Ametuwekea Official Video hapa ambayo unaweza kuingalia sasa.

                       


Chuo cha Usafirishaji cha Taifa (NIT) kimesema aliyepigwa risasi jana Februari 16, 2018 eneo la Mkwajuni jijini Dar es Salaam na kufariki dunia ni mwanafunzi wa chuo hicho.

Chuo hicho kimemtaja mwanafunzi huyo kuwa ni Akwilina Akwiline aliyekuwa anasoma shahada ya kwanza ya ununuzi na ugavi

Leo, Februari 17, 2018, Kamanda wa Polisi Kanda Maalumu ya Dar es Salaam, Lazaro Mambosasa amekiri mtu mmoja kupigwa risasi na polisi wakati wakiwatawanya wafuasi wa Chadema walioandamana jana

Polisi yakiri kupiga mtu risasi maandamano ya Chadema

Wafuasi hao wa Chadema wakiongozwa na Mwenyekiti wa chama hicho, Freeman Mbowe waliandamana kuelelea ofisi ya Msimamizi wa Uchaguzi Jimbo la Kinondoni, Aron Kagurumjuli kudai viapo vya mawakala wa chama hicho

Akizungumza na Mwananchi, Ofisa Uhusiano wa NIT, Ngasekela David amesema wamepokea kwa masikitiko taarifa za kifo cha wanafunzi huyo

"Ni kweli alikuwa wanafunzi wetu na tumepokea kwa masikitiko taarifa hizi. Tunaendelea kufuatilia zaidi, "amesema David
 
Mkurugenzi wa Tume ya Uchaguzi (NEC) Ramadhani Kailima, amekitaka kituo cha Runinga cha ITV, Kuiomba radhi tume ya uchaguzi kwa kukiuka utaratibu uliowekwa na tume hiyo wa kuviongoza vyombo vya habari jinsi ya kufanya kazi yake katika uchaguzi mdogo wa marudio jimbo la Kinondoni na Siha. Aidha Kailima amebainisha kuwa mbali na kituo hicho kuomba radhi, tume ya taifa ya uchaguzi inajipanga na itafuta taratibu za kisheria kukishtaki chombo hicho cha habari.

                     
Mgombea Ubunge wa Jimbo la Kinondoni (CHADEMA), Salum Mwalimu amedai kuibiwa kwa sanduku la kupigia kura katika Mtaa wa Idrisa Magomeni Jijini Dar es Salaam.
Salum Mwalimu ameyasema hayo leo wakati akizungumza na mubshara na kituo cha runinga cha ITV ambapo alisema kuwa alipigiwa simu na Wakala wake kuwa sanduku limekuja kuibiwa na baadae kurudishwa baada ya dakika 10.
“Nimepigiwa simu na wakala wangu kuwa sanduku lilikuja na kuibwa lakini nikazungumza na msamamizi wa kituo hichi pamoja na Polisi ambae ni msamimizi mkuu wote walikiri kuwa sanduku limeibwa na kwa pamoja wote tulikubaliana kuwa sanduku liliibwa na mtu ambae alikuja na kulipora japo watu walikuwa wamekaa hapa hapa akatokomea nalo”, amesema Salum.
“Baada ya dakika kama 10 hivi sanduku likarudishwa. Sasa kinachonishangaza ni kwamba Polisi na Tume wanasema uchaguzi uendelee.”

February 16, 2018

 

Mwenyekiti wa Chadema, Freeman Mbowe amezungumza mambo mengi kuhusu yanayoendelea ikiwa na Mkurugenzi wa Uchaguzi Kinondoni kutowapa Mawakala wao vitambulisho na mengine mengine mengi:Tazama Mbowe alivyozungumza baada ya mgombea kuomba kura.
         

Mgombea ubunge jimbo la Kinondoni kupitia tiketi ya CCM, Maulid Mtulia ameahidi kuwatumia Diamond Platnumz na Ruge Mutahaba kunyanyua vipaji katika jimbo hilo ili kuongeza fursa ya ajira.

Mhe. Mtulia amesema hayo leo Ijumaa Februari 16, 2018 katika viwanja vya Biafra wakati akijinadi kwenye kilele cha kampeni ya uchaguzi mdogo wa jimbo hilo.
Hata hivyo, Mtulia amewahakikishia wapenzi wote wa soka jimboni humo kuwa ataisaidia timu ya KMC FC iliyopanda daraja kwenda Ligi Kuu kwa hali na mali ifanye vizuri ili kukuza kwa urahisi vijana wengine wenye vipaji.
Kwa upande mwingine Mtulia amesema wakazi wa Kinondoni wasihadaike kwa lolote kuchagua viongozi wa vyama vingine kwani yeye anajua matatizo ya vyama hivyo ndio maana aliamua kuhamia CCM akitokea CUF.

                                  
Mwenyekiti wa Chaumma, Hashim Rungwe Spunda ameungana na Chadema kumnadi mgombea Ubunge jimbo la Kinondoni, Salumu Mwalimu na kuwaomba wananchi wampigie kula akidai kuwa mgombea wa CCM ni msaliti na hawapaswi kumchagua.

Rungwe ameilaumu Serikali ya awamu hii kufanya kazi zao kwa kuwatumia polisi kukamata watu na kuwaweka ndani.

”Tumeona tawala nyingi lakini mmeshawahi kuona utawala wa namna hii? Yaani polisi ndiyo wanafanya serikali ifanye kazi yaani bila ya polisi hawafanyi kazi, polisi ndiyo wamewekwa mbele yaani ukisema hivi unakamatwa” Amesema Rungwe.

Rungwe aliendelea kuelezea juu ya sakata lake la kukamatwa na polisi siku za karibuni.

“Mnakumbuka mimi nilikamatwa juzi juzi hapa yaani hakuna kitu chochote cha maana mpaka sasa mimi ni Wakili na Wakili kazi yake ni kusaini nyaraka, nimesaini nyaraka za watu na hao watu wenye pesa walikuwa wakitoa maagizo mlipe huyu na huyu na mimi nalipa sasa mimi nimefanya kosa gani? Hawa watu ni wabaya na haya ni mambo ya serikali ya CCM, hakikisheni kwamba serikali ya CCM mnaiondoa msikubali Mtulia awe Mbunge wenu. CCM ndiye wanaiharibu nchi hii” alisisitiza Rungwe.

Aidha ameongezea kuwa, “Serikali hii ya CCM inajidai sanaa inafanya propaganda kwenye Radio na kila mahali lakini mimi naomba niulize wangapi wamekuja hapa hawana kitu mfukoni, mna hela nyie? Wananchi hali zao mbaya watu hawana kitu.

Hivyo amewaomba wananchi kumchagua kiongozi kutokana na mambo anayoyafanya na kuwasisitizia wasimchague mgombea huyo toka chama cha CCM.

Popular Posts

WADAU

BLOG ZINGINE