Baby Madaha kuja na Corazon

Msanii wa muziki na mwigizaji, Baby Joseph Madaha, ‘Baby Madaha’ baada ya ukimya wa muda mrefu amejipanga kuachia wimbo wake mpya ‘Corazon’.

Madaha amesema kwa sasa anamalizia video ya wimbo huo ambao picha zake zinapigwa huko Dubai na unatarajiwa kukamilika mwezi ujao.

“Nipo kwenye harakati za mwisho za kukamilisha video ya wimbo wangu mpya wa ‘Corazon’ unaomaanisha moyo wangu ambao nimeufanyia Dubai na ninaomba mashabiki wangu waendelee kuniombea ukamilike kama nilivyopanga,” Baby Madaha aliliambia gazeti la Mtanzania.

Madaha alisema wimbo;huo ameurekodia katika studio za C9 Record chini ya prodyuza, C9 Kanjenje.

CHANZO na Bongo5.