Waandamanaji wateka bunge la Iraq,hali ya dharura yatangazwa

Hali ya dharura yatangazwa jijini Baghdad baada ya waandamanaji kuvunja na kuingia eneo lillilolindwa na kuteka bunge la Iraq.
Eneo hilo lililo chini ya ulinzi mkali kwa kuwa ni eneo lenye majengo ya serikali ikiwemo pia ubalozi.
Waandamanaji hao walikuwa wakidai mabadiliko katika muundo wa serikali hiyo baada ya kuwa na tetesi za ufisadi serikalini.
Kwa mujibu wa taarifa zilizotolewa na shirika la habari la Al Jazeera ni kuwa watu hao waliokuwa wakiandamana walipasua ukuta kwa kutumia nyaya.
Ghasia hizo za maandamano zimetokea baada ya wabunge kushindwa kuidhinisha kufutwa kazi kwa baadhi ya mawaziri wanaoshutumiwa kushiriki rushwa.