Benjamin Mkapa awakutanisha Lowassa na Magufuli

Zikiwa zimebaki siku chache Chadema wafanye operesheni yao ya Ukuta ambayo Rais, Dkt. John Magufuli ameikataza, Kiongozi wa Chadema na aliyekuwa mgombea Urais kupitia chama hicho, Edward Lowassa amekutana ana kwa ana na Rais Magufuli kwa mara ya kwanza.

Wawili hao wamekutana leo kanisani walipokwenda kwa ajili ya kushiriki Misa Takatifu ya Jubilei ya Miaka 50 ya Ndoa ya Rais Mstaafu wa Awamu ya Tatu, Mhe. Benjamin William Mkapa katika Kanisa la Mt. Petro, Oysterbay, Jijini Dar es Salaam.

 

Mhe. Lowassa anayeonekana kama mmoja wa waanzilishi wa ‘operesheni’ Ukuta akiwa kama Mjumbe wa Kamati Kuu ya Chadema amekutana na Rais Magufuli ambaye anapinga operesheni hiyo na amekwishatoa onyo akidai kuwa yeye hajaribiwi huku akiwataka watanzania kutoshiriki operesheni hiyo.

 

 

 

  

Aliekuwa mgombea wa UKAWA kupitia chama cha CHADEMA,WAziri Mkuu wa zamani,Mh Edwerd Lowassa akiteta jambo na Katibu Mkuu wa CCM,Ndugu Abdulrahman Kinana mapema leo kwenye Jibilei ya ndoa ya Rais Mstaafu awamu ya tatu,Mh Benjamin Mkapa na Mke wake Mama Anna Mkapa