Magufuli : Msikubali kuhamishwa mpaka mlipwe pesa zako

 

Rais wa Jamhuri ya Muungano wa Tanzania, Dk. John Pombe Magufuli, amewaahidi wafanyakazi ujio wa nyakati za neema baada ya serikali kukamilisha zoezi la kuwasafisha watumishi hewa, na kutangaza kutoa ajira mpya 52,000 katika mwaka huu.

Rais Dk. Magufuli ametoa kauli hiyo leo Mkoani Kilimanjaro katika sherehe za Maadhimisho ya Siku ya Wafanyakazi Duniani (Mei Mosi) zilizofanyika katika uwanja wa Ushirika, na kusema hadi sasa wameshabaini wafanyakazi hewa 19,706.

Amesema kuwa wafanyakazi hao walikuwa wakiingiza serikali hasara ya shilingi bilioni 19.84 kwa mwezi zaidi ya shilingi bilioni 230 kwa mwaka, jambo ambalo iwapo angeongeza mishahara watumishi hao hewa nao wangenufaika.

Rasi Magufuli akifurahia jambo wakati wa maadhimisho ya siku ya wafanyakazi Duniani, ambapo Tanzania yamefanyika kitaifa Moshi. Kilimanjaro.

Rais Magufuli amesema katika bajeti ya mwaka ujao Serikali itaongeza nyongeza za mshahara ya wafanyakazi wa umma ya kila mwaka, pamoja na kuwapandisha madaraja wafanyakazi, jambo ambalo lilikuwa limesimama kwa muda kupisha zoezi la kusafisha wafanyakazi hewa na wenye vyeti feki

Aidha, Mhe, Dk. John Magufuli ameagiza mfanyakazi yoyote atakayehamishwa bila ya kupewa fedha zake za uhamisho asikubali kuhama, bila ya kupewa fedha hizo, na kuongeza kuwa kunawakati mwingine wafanyakazi wanahamishwa na maboss zao kwa kuonewa au kuonewa wivu tu.

"Sasa niwaombe wafanyakazi yoyote atakayekuhamisha hakuna kuhama mpaka ulipwe pesa zako, asipokulipa hakuna kuhama, ukiona anakwambia uhamiem sehemu anakupa na check yako hapo sawa wewe hama ila vinginevyo hakuna kuhama" alisema Rais Magufuli