Jokate ala shavu kamati mpya ya miss Tanzania ~ MACHAKU MEDIA

August 27, 2015

Jokate ala shavu kamati mpya ya miss Tanzania

Kutoka katika chumba cha habari cha TZ kilichopo Ubungo Tanznaia, tunapata habari hii inayohusu kuundwa kwa kamati mpya ya Miss Tanzania

Shindano la kumsaka mrembo Miss Tanzania limerudi rasmi, na leo kulifanyika utambulisho wa kamati mpya itakayohusika kusimamia tamasha hilo.

Kwa mujibu wa msemaji wa kamati hiyo mpya, Jokate Mwegelo..‘Kwa niaba ya kamati mpya ya Miss Tanzania tunapenda kutoa shukrani zetu za dhati kwa uongozi wa kampuni ya Lino International Agency Limited kwa kutuamini na kututeua kuwa wajumbe wapya wa kamati ya Miss Tanzania yenye majukumu ya kuandaa, kuratibu ns kusimamia mashindano ya urembo ya Miss Tanzania.

Picha ni wajumbe wa kamati mpya ya Miss Tanzania, Jokate na Juma Pinto (Katikati Mwenyekiti wa kamati hiyo).

‘Tumekubali na tumepokea majukumu hayo na kuahidi kusimamia kanuni, Sheria na Taratibu za kuendesha mashindano ya urembo ya Miss Tanzania.Tunaomba jamii ya Watanzania watupe ushirikiano pamoja na kutuamini kwamba tunaweza kuisogeza mbele zaidi tasnia hii ya urembo hapa nchini’ – Jokate Mwegelo
‘Kwa leo hatutakuwa na mengi ya kusema kwa sababu ndio kwanza tumekabidhiwa jukumu hili hivyo kamati yetu itakutana kupanga mipango na mikakati endelevu ya kuendeleza sanaa hii ya urembo ndani hadi nje ya mipaka yetu ya Tanzania’ – Jokate Mwegelo