Sita wanaswa wakiiba maji Dawasco

 

 Pampu iliyowahi kukamatwa na mafundi wa Shirika la Majisafi na Majitaka Jijini Dar es salaam (Dawasco) iliyokuwa ikivuta Maji kiholela kutoka kwenye laini ya bomba kubwa

 SHIRIKA la Majisafi na Majitaka jijini Dar es Salaam (Dawasco) linawashikilia mama ntilie sita kwa madai ya kutumia huduma ya maji kinyume cha utaratibu,anaandika Eunice Laurian.

Mama hao wanadaiwa kujiunganisha majisafi kienyeji katika Mtaa wa Kisutu, Ilala jijini Dar es Salaam.

Akizungumza katika eneo la tukio Deogratius Ng’wandu, Ofisa Biashara wa Dawasco amesema  kuwa, wamebaini wizi  huo wakati wa operashani  maalum inayoendelea kwa sasa kwenye maeneo  yote Dar  es Salaam.

“Tumewakuta  mamantilie  wakiwa  wanatumia huduma  ya  maji   ambayo  imeunganishwa  kinyume cha  taratibu, maji  hayo  hayakuwa na mita  wala akaunti  namba,” amesema  Ng’wandu.

Subira  Ngeseyani, Mwenyekiti  wa  Serikali  ya  Mtaa Kisutu amewaomba  wananchi  kutoa  ushirikianao  kwa kuwataja  wezi  wa maji  katika  mitaa  yao  kama ilivyoagiza na Paul  Makonda, Mkuu  wa  Mkoa wa Dar es Salaam.

Aziza Hassan ambaye ni mtuhumiwa amekiri  kutumia huduma ya maji kinyume na taratibu za Dawasco kwa madai ya kutojua.

“Kweli  tumekuwa tukitumia  huduma  ya  maji  kwenye eneo  hili  kwa  kutojua kutokana  na  hali ngumu ya maisha lakini pia kuunganisha  huduma  hii  ni  gharama kubwa,” amesema Aziza.

Source: mwanahalisionline