Abdu Kiba awataka wasanii wa Tanzania kufanya muziki wa Live Band

Ali Kiba na Abdu Kiba wakiimba kwa pamoja

Ali Kiba akiimba kwa hisia katika tamsha la Sauti za Busara visiwani Zanzibar

Vacalist wa Ali Kiba wakiimba kwa hisia

Ali Kiba akiendeleza burudani

Umati wa watu uliohudhuria katika tamasha la Sauti za Busara visiwani Zanzibar

Msanii wa muziki wa bongo flava nchini Tanzania, Abdu Kiba ambaye ni mdogo wa mfalme wa muziki wa Bongo flava, Ali Kiba ameshauri wasanii nchini kuanza kutumia muziki wa bendi katika maonesho yao ili kuwapa mashabiki radha halisi ya muziki.
Abdu Kiba amesema hayo baada ya Ali Kiba kuonesha uwezo mkubwa katika jukwaa tamasha la Sauti za Busara 2015 lililofanyika February 12-15 visiwani Zanzibar alipotumbuiza kwa Live Band.
Akiongea kwa njia ya simu Abdu Kiba aliyeongozana na Ali Kiba na kutumbuiza pamoja katika tamasha hilo amesema kuwa tamasha Sauti za Busara limekuwa darasa tosha kwao kwani kushiriki katika kwao kumewafanya wajifunze asili ya muziki wa mataifa mbalimbali ikiwa ni pamoja na uzuri wa kutumia Live Band katika nyimbo zao.
Abdu Kiba amesisitiza kuwa kuna umuhimu wa wasanii kufanya muziki wa Live ikiwa ni pamoja na kuzirudia nyimbo zao kwa mtindo huo ili kuliteka soko la sanaa duniani kwani ‘Live Music’ ni kila kitu katika soko hilo.
Katika hatua nyingine Abdu Kiba amewashukuru wakazi wa visiwa vya Zanzibar kwa ukarimu na mapokezi mazuri huku shukrani zake nyingine ni kwa waandaaji wa tamasha hilo la Sauti za Busara kwa kuwapa nafasi ya kushiriki katika tamasha hilo kubwa na la kipekee.