Jicho letu October:Kwa nini Nyerere hana mrithi wa urais CCM ?

  Ikiwa Tanzania inaeleke akatika tukio kubwa la ktaifa  Uchaguzi mkuu wa madiwani, wabunge na rais, OCTOBER 2015. Hapa tunazidi kuwaletea Taarifa mbalimbali zinazohusiana na Uchaguzi mkuu.
 Leo hii tunayo makala iliyoandkwa na M/Kiti wa ACT-Wazalendo Anna Mghirwa inayosema Kwa nini Nyerere hana mrithi wa Urais ndani ya CCM??

Mwalimu Nyerere kama mtu, mwanasiasa, mzazi/ mlezi na mwanafalsafa Mwafrika, msomi mahiri na kiongozi alikuwa na sura mbili zisizoshabihiana: Sura ya mafanikio na sura isiyo na mafanikio kama ilivyo kwa binadamu wengine. Moja ya mambo ambayo Mwalimu hakufanikiwa ni kujenga wafuasi wa kutosha ndani ya chama alichokiongoza wenye haiba na hulka yake kwa masuala ya kitaifa. Kwa ajili hii mwandishi mmoja aitwaye Sarwed amewahi kutamka kuwa Mwalimu alijaa utata, na ukitendawili!

Mwalimu Nyerere ameacha sifa nyingi za uongozi katika historia ya Tanzania. Rais wa Awamu ya Pili, Ali Hassani Mwinyi alimwita mlima na yeye akajiita kichuguu na wengine tumebaki na Baba wa Taifa kama neno la jumla la heshima yake kitaifa. Hata wanawe humwita Baba wa Taifa na siyo baba yao. Hili nalo ni kumpambanua kwa haiba na wababa wengine wa familia na koo za Kiafrika.

Mwalimu Nyerere kama mtu, mwanasiasa, mzazi/ mlezi na mwanafalsafa Mwafrika, msomi mahiri na kiongozi alikuwa na sura mbili zisizoshabihiana: Sura ya mafanikio na sura isiyo na mafanikio kama ilivyo kwa binadamu wengine. Moja ya mambo ambayo Mwalimu hakufanikiwa ni kujenga wafuasi wa kutosha ndani ya chama alichokiongoza wenye haiba na hulka yake kwa masuala ya kitaifa. Kwa ajili hii mwandishi mmoja aitwaye Sarwed amewahi kutamka kuwa Mwalimu alijaa utata, na ukitendawili!

Kwa nini Nyerere hakuacha mrithi mahiri na makini wa sera zake? Wana taaluma, Kigoda cha Mwalimu, taasisi yake zinaendeleza mambo yake, lakini siyo chama chake na kwa hakika siyo kwa kiwango amabacho tungetegemea kukiona katika jamii ya Watanzania ambayo maeneo ya vijijini bado wana amini yupo, anaishi na bado ni sehemu ya uongozi wa nchi. Ni kweli Mwalimu hatasahaulika haraka kwa namna yoyote ile. Uwezo wake wa ushawishi na nadharia ya utu ilifunika upungufu wake na kwa hiyo ataishi kwa miaka mingine mingi sana. Pia, wanaojaribu kumfunika ni kama wanapambana na mafuriko kwa mikono – nikitumia maneno ya mmoja wa wasaka urais kupitia CCM.

Licha ya CCM kuyakimbia mema ya Mwalimu, lugha ya sasa ya kurejesha uzalendo, utu, uwajibikaji wa viongozi na wa raia vimeanza kusikika masikioni mwa raia kutoka nyanja mbalimbali na hasa kwa sasa kupitia chama cha ACT – Wazalendo, ambacho kimeamua pamoja na mambo mengine kurejesha mambo yote ya msingi na mema ambayo Mwalimu Nyerere alilitendea taifa hili. Licha ya dhamira hii tofauti kabisa na ya Chama Cha Mapinduzi, bado Watanzania wachache wanaamini kuwa chama hiki ni zao la CCM na kwa hiyo hakiwezi kuwa na jipya kama ambavyo tunataka kuamini kuwa hakuna jipya aliloacha Nyerere.

Nyerere alitetea sana kuondoa umaskini, ujinga na maradhi. Alijitahidi sana wakati wa uongozi wake kuhakikisha kuwa wananchi wanaondokana na tabia zinazoondoa asili ya mwanadamu ya kujiamini, kujiheshimu na kuwa tayari kulitetea taifa kwa kuhakikishiwa usalama wa elimu, afya, chakula, maji na miundombinu ya kujiendeshea maisha. Hata hivyo Mwalimu aliiacha nchi ikiwa ndani ya dimbwi la umaskini mkubwa ambao wachumi wanadai ulizidi umaskini walioacha wakoloni.

Licha ya umaskini huu wa raia walio wengi na hasa waishio vijijini, tunaona jinsi ambavyo uongozi umekuwa bidhaa inayonunulika na kuuzwa katika masoko ya kampeni kwa kuwarubuni maskini senti chache, vyakula vya siku moja, kufuru za sherehe na hata za kutangaza tu nia ya kuliongoza taifa, nazo zinatumia mamilioni ya fedha, huku wengine wakishangilia wakisema mwenzetu huyu kafanikiwa, tazama anavyoweza kulisha watu wengi kwa siku moja.

Kuna Watanzania wanaoneemeka na umaskini huu kiasi cha kuishi kwa fedha ya Kitanzania ya zaidi ya milioni kwa siku kwa mlo – maarufu “fedha za sokoni” kama alivyozitamka waziri wa nyumba, ardhi na makazi aliyejiuzulu majuzi mbunge Anna Tibaijuka, ambaye naye ni zao la Mwalimu Nyerere kama mmoja wa wanawake waliopata fursa ya kupata elimu nzuri bure bila malipo, bila hongo, bila fedha za wazazi wao! Kwa nini Mwalimu hana mrithi ndani ya CCM?

Kwa kifupi Tunu zote za Mwalimu zimemomonyoka, hakuna aliye tayari ndani ya CCM kuendeleza kwa dhati mambo aliyoacha Mwalimu Nyerere. Kwa nini? Kwa nini Mwalimu aache hali hii? Kwa nini CCM imsaliti Mwalimu wakati akiwa bado hai na baada ya mauti yake? Kwa nini kila alichosimamia Mwalimu kimeanguka na ni kama inabidi nchi kuanza upya badala ya kuendeleza?

Tatizo liko wapi na ni nini hasa? Je, ni Mwalimu au ni sisi Watanzania kutokuwa na Mwalimu kuweka misingi ya utawala wa nchi yetu; kushindwa kuweka mfumo wa utawala ambao yeyote akiingia madarakani angeendeleza badala ya kuanza upya? Ni mahali gani Mwalimu alikosea njia na kuingia msitu mnene usiotoa dira ya utawala wa kutukuka kama ambavyo wengi tungedhani kutokana na umahiri wake?

Kama Baba wa Taifa na nikimlinganisha na mababa wengine wa nchi mbalimbali duniani, Nyerere aliweka kitu kinachotakiwa katika nchi. Alifanikiwa kuiwekea Tanzania taswira ya utaifa iliyoeleweka na kuheshimika duniani. Misingi ya utu, uzalendo, umoja wa kitaifa, kupinga ubaguzi, kuheshimu utu wa mtu na hata kuwajali wanawake, na kuwapa fursa za upendeleo katika elimu na uongozi ili kujenga usawa wa fursa kwa jinsi zote mbili. Ninadiriki kufikiri kuwa Mwalimu alikosa mlezi ndani na nje ya chama chake na ama alifurahia hali hii kwa kumfanya kinara wa kila jambo, ama hakujitokeza Mtanzania wa aina ambayo Mwalimu angemheshimu kumpa nafasi ya kumlea kiroho na kiakili.

ili afanikiwe katika mambo ambayo hakuwa na uwezo nayo. Pamoja na hayo yote bado kitendawili kinabaki na swali kuwa kwa nini Mwalimu hana mfuasi wa kweli ndani ya chama chake?

Kwa nini mara tu alipotoka madarakani CCM ikaanza kuyumba na kuonesha kabisa kuwa haikuwa na utashi na utawala wa muasisi wake? Sera za maendeleo za baada ya Mwalimu, si tu zilisukumwa na mfumo wa dunia wa uchumi, lakini pia zilisukumwa na hali ya kupotea, kukosa dira, kukiuka maadili ya uongozi, hali ya viongozi kutaka kuwarubuni wananchi nyakati za uchaguzi kwa kutumia rushwa kupata uongozi, wizi wa wazi wa mali za umma na matumizi mabaya ya nafasi za uongozi, makundi yanayohasimiana ndani na nje ya vyama.