Dr Shein amemwapisha Makamu wa pili wa Rais Balozi Seif Idd.

Rais wa Zanzibar na Mwenyekiti wa baraza la Mapinduzi Dr Ali Mohmaed Shein amemuapisha rasmi Balozi Seif Ali Idi kuwa makamu wa pili wa rais wa Zanzibar baada ya kumteua juzi kushika wadhifa huo.

Hafla hiyo ya kuapishwa Balzoi Seif Ali Idi kuwa makamu wa pili wa rais kwa kipindi cha pili mfulilizo ilifanyika Ikulu na kuhudhuriwa na viongzoi mbalimbali wa juu wa serikali akiwemo spika mpya wa baraza la wawakilishi Hamza Zubeir Ali, Jajai mkuu wa Zanzibar Othman Makungu na viongzoi wengine wa SMZ.

 

Huu ni uteuzi wa pili uliofanywa na Dr. Shein tokea kuapishwa kuwa rais wa Zanzibar alhamis ya wiki iliyopita ambapo tayari juzi alimteua mwanasheria mkuu Said Hassan Said.

 

Balozi Seif Ali Iddi anashika wadhifa huu kwa mara ya pili mara ya kwanza aliteuliwa Novemba mwaka 2010 na kushikilia hadi kumalizika kwa kipindi cha miaka mitano ya kwanza ya uongozi wa awamu ya saba kufuatia uchaguzi mkuu ulioafanyika machi 20 mwaka huu.