Shs. Milioni 140 zatumika kuwalipa Watumishi Hewa

Wilaya ya Maswa imebaini watumishi hewa sita katika mamlaka ya maji na usafi wa mazingira katika zoezi la uhakiki watumishi linaloendelea ambapo mishahara yao imekuwa ikilipwa  kwa kipindi cha  miwili, 2013 na 2014 ambapo kiasi cha Shilingi Milioni 140 zimetumika kuwalipa.
Channel ten imeshuhudia watumishi wa kada mbalimbali kuitikia kwa hiari katika zoezi hilo la  uhakiki na kuipongeza serikali kwa agizo hilo ambalo litapunguza udanganyifu mkubwa uliopo na fedha hizo zitasaidia kuboresha maslahi na miundombinu ya maeneo wanayoishi  wafanyakazi mjini na vijijini.
Mkuu wa wilaya ya Maswa Rosemary Kirigini anayesimamia zoezi hilo amesema kwa kushirikiana na wataalamu na kamati ya ulinzi na usalama watahakikisha wanalifanya kwa umakini na hivyo watumishi watakaobainika hewa kuondolewa katika mfumo.
Tangu zoezi hilo lianze tayari wameshabaini watumishi hewa sita katika mamlaka ya maji na usafi wa mazingira Maswa ambao hawapo kazini tangu mwaka 2013 na mishahara yao bado inakuja kupitia wizara ya maji  ambapo kiasi cha shilingi  milioni 140 zimeonyesha kuwalipa watumishi wasio kazini.