Takukuru Morogoro yaanza operesheni ya kuwachunguza watumishi wa umma

Taasisi ya kuzuia na kupambana na rushwa (Takukuru) mkoa wa Morogoro imeanzisha opersheni maalumu ya kuwachunguza watumishi wa umma,viongozi wa siasa,wakulima pamoja na wafugaji wanaojihusisha na vitendo vya kuomba na kupokea rushwa hali inayosababisha migogoro ya ardhi kuendelea kushika kasi katika mkoa huo. 

Akizungumza na waandishi wa habari mkuu wa Takukuru mkoa wa Morogoro Emmanuel Kiyabo amesema taasisi hiyo imeokoa zaidi ya shilingi milioni 27 fedha za miradi ya maendeleo zilizokuwa mikononi mwa watuhumiwa zikiwemo fedha za mradi wa kuweka alama za barabarani manispaa ya Morogoro ambapo amewataka viongozi wa vijiji kuacha maramoja tamaa ya kupokea fedha za wafugaji kuwapatia maeneo ya malisho.

 

Kufuatia kukithiri kwa matukio ya viongozi wa serikali pamoja na baadhi ya wabunge kukumbwa na kashfa za rushwa wakazi wa mji wa Morogoro wameeleza kitendo hicho kimeondoa imani kwa wananchi kuwaamini wabunge wao na wameziomba mamlaka husika kuwashugulikia kikamilifu wabunge wanaokumbwa na kashfa hizo.