Studio ya Barnaba ‘High Table Sound’ yafungwa

Msanii wa muziki, mwandishi na mtayarishaji wa muziki, Barnaba Classic ameifunga studio yake ya ‘High Table Sound’ kwa ajili ya matengenezo.
Akizungumza na Bongo5, Barnaba amesema aliamua kuifunga studio hiyo kwa muda ili kufanya ukarabati ambao amedai utaibua ufanisi wa kazi.
“Kweli studio imefungwa kwa wiki mbili hadi tatu kwa ajili ya matengenezo kidogo, naipanua zaidi, kuna baadhi ya vitu ambavyo naongeza, kwa hiyo nadhani baada ya wiki moja itaifungua tena,” alisema Barnaba.
Barnaba amesema ukarabati ya studio hiyo utaibua ubora wa kazi ambazo zinazalishwa katika studio hiyo.