Shambulio la kwanza la Boko Haram huko Niger

 

 Wanamgambo wa kitakfiri wa kundi la kigaidi la Boko Haram wamekishambulia kijiji kimoja huko Niger. Gazeti la Le Figaro linalochapishwa nchini Ufaransa limeripoti kuwa, watu walioshuhudia wameeleza kuwa wanamgambo wa Boko Haram wamekishambulia kijiji cha Bosso nchini Niger kinachopatikana karibu na mpaka wa pamoja wa nchi hiyo na Nigeria. Shambulio hilo linatajwa kuwa la kwanza kufanywa na Boko Haram huko Niger. Watu walioshuhudia shambulio hilo la Boko Haram katika kijiji cha Bosso nchini Niger wamesema kuwa walisikia sauti za milio ya silaha nyepesi na nzito. Kundi la kigaidi la Boko Haram lilianza kutekeleza mashambulizi nchini Nigeria tangu mwaka 2009, na hivi sasa kundi hilo limekuwa hatari kubwa kwa eneo la kaskazini mashariki mwa nchi hiyo. Nchi jirani na Nigeria kama Cameroon, Niger na Chad pia zinakabiliwa na mashambulizi ya kigaidi ya Boko Haram. Umoja wa Afrika tarehe 30 mwezi uliopita ulipasisha pendekezo la kuasisiwa kikosi cha wanajeshi 7500 kwa ajili ya kupambana na kundi la kitakfirii la Boko Haram