Wananchi wasio na uwezo walalamika kubaguliwa katika ruzuku za TASAF

Baadhi ya wananchi wasio na uwezo wakiwemo  wazee katika kitongoji cha SOWETO katika kijiji cha Kilosa wilayani Nyasa Mkoani Ruvuma wamelalamikia kubaguliwa  kwenye mpango wa kunusuru  kaya maskini  wa  TASAF wilayani humo.

Wameyazungumza hayo wakati wakizunguza na ITV katika kijiji cha Kilosa wilayani Nyasa na kusema pamoja  na kwamba wao ni maskini lakini TASAF wamekuwa wakiisikia kwenye vyombo vya habari bila  kuwafikia.

 

ITV pia imezungumza na Bibi mmoja anayesumbuliwa na magonjwa ya moyo na mapafu kuwa na vidonda  ambapo analalamikia kukosa  ruzuku ya TASAF.

 

Akijibu malalamiko hayo mkurugenzi mtendaji wa Halmashauri ya wilaya ya Nyasa Bw.Jabir Shekimweri anasema Halmashauri yake imepangiwa kutoa ruzuku ya TASAF kwa vijiji hamsini kulingana na vigezo vilivyowekwa.