Bad News: Adaiwa kuzidisha dozi na kufariki Dunia

 Kijana Hald Bitebo akiwa chini huku akiwa tayari ameshakata 

 

 Bitedo amekufa huku akiwa na moja ya vyuma hivyo chakavu mkononi

 Polisi wamewasili eneo la tukio na kuuchukua mwili wa marehemu.

 Askali Polisi akikagua vyumamaarufu sklepa alivyookota marehemu

 

 Na Dustan Shekidele.

MOROGORO: Janga la Kitaifa! Wakati wasanii wa Bongo Fleva, Rehema Chalamila "Ray C na Rashidi Makwilo "Chid Benz" wakiteswa na madawa ya kulevya "unga" jamaa aliyefahamika kwa jina la Halid Bitebo, mkazi wa Kaloleni Kata ya Mji Mpya Manispaa ya Morogoro, anadaiwa kuzidisha " dozi ya unga" kisha kuanguka na kufa katika Mtaa wa Kingo jirani na Faya.

Akizungumza na Mtandao huu, mmoja wa mashuhuda wa tukio hilo lililojili maeneo hayo wikiendi iliyopita, Walidi Mkami alisema: " Ilikuwa saa 12:00 asubuhi, vijana wawili wapita njia walitugongea na  kutujulisha kuwa nje ya nyumba yetu kuna kijana (teja) amezidisha dozi ya madawa kisha ameanguka.

"kweli tulipotoka tulimshuhudia akiwa ameshakata  roho  ndipo tukatoa taarifa kwa mwenyekiti wa mtaa wetu Mwajuma Ndege."

Kwa upande wake mwenyekiti huyo, alikiri kutokea kwa tukio na kwamba ndiye aliyetoa taarifa polisi. Kabla ya polisi kufika eneo la tukio, mwanahabari wetu alizungumza na kijana Waziri Rashid ambaye alidai kumfahamu vyema jamaa huyo.

"Huyu ni teja na shughuli zake ni kuokota vyuma chakavu. Kila siku tulikuwa tunamkanya aache kubwia unga, umeona sasa ameanguka na kufa huku udenda ukimtiririka, kwa vyovyote alikuwa amezidisha dozi, alisema Rashid.

Source:shekidele