Albamu mpya ya Jay Z ‘4:44’ yajitengenezea historia yake mpya

Jay Z anazidi kuiteka vichwa vya habari – Albamu yake mpya ‘4:44’ imetengeneza historia mpya kwa rapper huyo.

Albamu hiyo yenye nyimbo 10 imefanikiwa kufikia mauzo ya Platinum ikiwa ni siku tano tangu iingie sokoni.
Kupitia mtandao wa Twitter wa Roc Nation, umempongeza rapper huyo kwa kuandika, “@S_C_ has earned 13 Platinum solo studio Album awards, more than any other hip-hop artist in @RIAA Gold & Platinum history. #RIAAPlatinum.”

Inadaiwa kuwa albamu hiyo imepangwa kuanza kuuzwa kwenye iTunes na Apple Music kuanzia Ijumaa hii. Wakati huo huo Jay anatarajiwa kuachia video ya wimbo wa ‘4:44’ ambao unapatikana katika albamu hiyo siku ya Ijumaa ya Julai 7.