Madee: Sioi mpaka nimpate .......

MKONGWE kunako gemu la Bongo Fleva, Hamad Ally ‘Madee’ amefunguka kuwa hajafikiria kuoa mpaka sasa kwa sababu kila anayempata sio muaminifu na yeye anataka kuwa mfano kwa wanamuziki wenzake wote kwa kuwa hategemei kuoa na kuacha.
Akizungumza na Showbiz Xtra, Madee alisema kuwa haina sababu ya kuoa halafu ukae mwaka au miaka miwili uachane na mkeo kitendo ambacho hataki kitokee hivyo anaona ni bora kuchelewa kuoa lakini apate mke na mama bora kwenye familia yake.
“Watu wengi wananishangaa mimi kwa nini nachelewa kupata mwenza lakini najua nini nafanya sioi ili nimfurahishe mtu bali kwa ajili ya maisha yangu na watoto wangu hivyo nikipata muaminifu nitaoa,” alisema Madee.
Na.IMELDA MTEMA wa  GPL